– المياه بتمثل 70% من جسم الإنسان
– المياه مش بس فى الشرب المياه موجودة في الأكل كمان
– 20% من المياه اللي إحنا بنحتاجها؛ الجسم بياخدها من الاكل اللى بناكله

إحتياجاتنا للمياه بتختلف بالسن؛ الجنس؛ الوزن؛ و طبيعة المجهود اللي إحنا بنبذله و حالتنا الصحية
علي الرغم من كذا طريقة نقدر نعرف بيها الإحتياج اليومي اللى الجسم محتاجه للسوائل إلا إنه بصفة عامة شرب من 2.5 الي 3 لتر سوائل يوميا بيعتبر كافي للشخص البالغ. بس الكمية دي لازم تكون متقسمه علي مدار اليوم و نصها علي الاقل يكون مياه.
أما للستات؛ لو إنتى حامل أو في فترة رضاعة لازم نزود علي الأقل من 0.5 إلي 1 لتر علي الكميه دي؛ بس كمان في بعض الأمراض اللي بيتم فيها تحديد كمية معينة من السوائل يوميا للشرب مانعديهاش بس دة بيبقي بإستشارة الطبيب.